Frá fræðslufundi um starfsþróun kennara og skólastjórnenda

Endurmenntun HÍ

Fagráðið stóð fyrir fræðslufundi um símenntun og starfsþróun kennara. Fundurinn var haldinn í húsnæði Endurmenntunar HÍ við Dunhaga, 20. nóvember sl. Fundurinn var öllum opinn en hann var sérstaklega auglýstur meðal þeirra hagsmunaaðila sem eiga fulltrúa í fagráðinu. Markmið fundarins var að útbreiða þekkingu á hlutverki og starfi fagráðsins og ræða með þátttöku fundarmanna um stefnumótunarvinnu ráðsins.

Mæting var mjög góð og þurftum við að færa fundinn í stærri stofu en upphaflega var fyrirhugað að nota.

Fundurinn var tekinn upp. > UPPTAKA 

Aðalheiður Steingrímsdóttir var fundarstjóri og dagskráin var eftirfarandi:

Um fagráðið: Hlutverk, verkefni þess, starf í vetur. (Sigurjón Mýrdal formaður)

Hvað segir TALIS um þá þætti sem skipta máli fyrir árangur í skólastarfi? Hvernig getur símenntun og starfsþróun kennara og skólastjórnenda stutt við það? (Ragnar F. Ólafsson frá Námsmatsstofnun)

Stutt innlegg um íslenska kennara og skóla.
Fulltrúar KÍ (Ingileif Ástvaldsdóttir og Aðalheiður Steingrímsdóttir), háskóla (Jón Torfi Jónasson), Sambands íslenskra sveitarfélaga (Klara E. Finnbogadóttir) og mennta- og menningarmálaráðuneytis (Sigurjón Mýrdal) reifa atriði sem þeir telja skipta máli í sambandi við símenntun og starfsþróun íslenskra kennara og skólastjórnenda.

Starf í umræðuhópum (Umræðustjórar: Anna María Gunnarsdóttir, Ingibjörg Kristleifsdóttir, Ingileif Ástvaldsdóttir, Jón Torfi Jónasson og Svava Pétursdóttir)
1. Hvaða samstarf fer núna fram milli kennara og skólastjórnenda í skólum um símenntun og starfsþróun kennara? Eru almennt til starfþróunaráætlanir til eins eða fleiri ára?
2. Hvernig ætti þetta samstarf að vera? Hvaða fleiri aðilar ættu að koma að samstarfi um símenntun og starfsþróun?
3. Hver ætti framtíðarsýnin að vera varðandi símenntun og starfsþróun kennara og skólastjórnenda?
- Hvaða bjargir eru nauðsynlegar til að starfsþróun verði skilvirk.
- Hvers konar starfsþróun teljið þið mikilvægt að þróa til að bæta árangur skólakerfisins?
4. Hvað finnst ykkur mikilvægast að komi út úr starfi fagráðsins?

Upplýsingaveita og vefur fagráðs (Sólrún Harðardóttir)

Punktar frá umræðuhópum.

Halldór Árni Sveinsson tók fundinn upp og sendi jafnframt út í rauntíma. Hér má nálgast upptökuna.