Opinn fundur um starfsþróun kennara 31. ágúst 2015

gerduberg_

Fagráð um símenntun og starfsþróun kennara mun standa fyrir opnum fundi 31. ágúst 2015 kl. 10.00-14.00 í Gerðubergi, Reykjavík um hlutverk, ábyrgð og skyldur aðila fagráðs hvað varðar málefni starfsþróunar kennara, ráðgjafa og skólastjórnenda í leik-, grunn-, tónlistar- og framhaldsskólum.

Aðilar fagráðs eru menntamálaráðuneyti, háskólar sem mennta kennara, Samband íslenskra sveitarfélaga og Kennarasamband Íslands.

Markmið fundarins er að skapa umræðu um þetta og leitast við að greina á hvaða sviðum aðilar fagráðs eru samstíga og ósamstíga og hvort greina megi svið sem enginn virðist bera ábyrgð á. Fulltrúar aðila munu greina frá sinni sýn og fyrir munu liggja skrifleg svör þeirra við ákveðnum spurningum frá stýrihópi fagráðs. Þess er vænst að umræður á þessum fundi geti orðið mikilvægt framlag til stefnumótunarvinnu fagráðsins um starfsþróun kennarastéttarinnar. Nánari dagskrá verður send út um miðjan ágúst.

Þess má geta að fundinum verður streymt og hægt verður að vera í sambandi í gegnum twitter #starfsthrounkennara3108 eða solrun@namsmat.is

Fundurinn er opinn öllum áhugasömum um málefnið, en fólk er vinsamlega beðið að skrá sig á eftirfarandi slóð: http://menntavisindastofnun.hi.is/opinn_fundur_3108_2015_starfsthroun_kennara.
Aðgangur er ókeypis.

SKRÁNING